Die son bak en droog ons beskuit gratis en verniet
Min mense weet:
Die son kan tot 90% van sy bestraling in hitte omskep
Sonpanele het ‘n laer effektiviteit maar word goedkoper by die dag
Solar Bakers kan dit kombineer om ‘n unieke en volhoubare Solar mikro franchise te loods
By Solar Bakers bak ons beskuit in sonoonde en droog dit in solar droogoonde
En ons bak Songebakte brosbrood in solar glasbuise
Selfs die ou waenhuis moes plek maak vir die vervaardiging van die Sungenius Patio Sonoond en die Mini Solar Beskuit Droogoond wat ons per koerier landwyd versprei
Wat maak songebakte produkte uniek?
Ons kan slegs bak as die son skyn
Ons bak beskuit teen laer temperature, wat ‘n effe brosser of sagter beskuitjie lewer
Ons bak in panne met deksels. Beskuit verloor geen vog gedurende die bakproses nie en dus ‘n geuriger eindproduk lewer
Daar is geen verskil tussen beskuit wat ons in die winter of die somer bak nie
Omdat ons min krag gebruik, kan ons die goedkoopste beskuit in Suid Afrika bak
As dit bewolk is, dan bak ons nie, dan maak ons reg, boer of gaan dorp toe
Die smaak en tekstuur sal jou verras
Die prys sal jou beïndruk
Sodat meer mense weer tuisgebakte beskuit kan bekostig
Dis groen, local en lekker
Solar Bakers Aanlyn Bestellings
Ons lewer nou landwyd beskuit af vanaf
R31.00 /500g BTW en koerier koste ingesluit
Brosbrood teenR50.00 /500g
(terme en voorwaardes geld)
Karringmelk, Semel, Fyn Anys Beskuit en Brosbrood(Shortbread)
Anys beskuit, soos my ma dit gebak het en baie mense vandag nog, is hoog gerys en het so ‘n spesiale tekstuur as dit nog nat is en reg gebak is. Dan drink een beskuit omtrent al jou koffie op as jy dit nie vinnig uithaal nie.
Dis hoe dit moet lyk, maar ons kan ongelukkig nie sulke beskuit in groot hoeveelhede in ‘n sonoond bak nie. Mense wil daai anys proe, al is dit nie ouma se resep nie en hulle wil dit kan koop teen ‘n prys wat hul sak pas.
So, Solar Bakers doen dit anders. Ons het nou ‘n Fyn Anys in ‘n Karringmelk beskuit. Jy sien nie die anys nie, maar jy proe dit en dis beskikbaar teen die selfde prys as al die ander.
Hoof foto deur Maryna Cotton en Sarel van Staden op karooplaas geneem en prominent saam met ander fotos in ONSKAROO deur deur Deon Meyer en Coenie de Villiers